QM: OO KA WALAACSAN QILAAFKA KOOXDA IMBEGHATI.

Waxaa qilaaf xoog badan uu u dhexeeyaa kooxda daba-dhilifka ee  Impeghati ee uu taliska Itoobiya ku soo dhisay dalka Kenya , qilaafka  wuxuu u dhexeyaa laba garab oo ka wada tirsan Kooxda Impeghati, oo dhowaan u kala baxay laba garab, qayb  Dagaal-oogayaal ah oo tageeraysa C/laahi yusuf  iyo qayb  nabad iyo wanaag doon ah oo taageersan Nuur Cadde.

Wakiilka Qaramada Midoobay u qaybsan dalka Soomaaliya Amed Oul-Cabdalla oo ku sugan dalka Jabuuti ayaa dawaan laga soo warinayaa inuu aad ugu xun yahay qilaafka u dhexeeya Madaxda kooxda Imbeghati.

DAAWAC IYO DHIMASHO KA DHASHEY DUQEYNTII BAKAARAHA.

By Somalimirror on 19 Aug, 2008

Mugdisho Soomaaliya: 6 Qof ayaa ku Geeriyooday in ka badan 20 Qofna waa ay ku Dhaawacmeen ka dib markii ay Ciidamada gumeysiga Itoobiya Madaafiic aan loo meel dayin Barqanimadii maanta ku garaaceen Suuqa weyn ee Bakaaraha. 

Dadka dhaawacmay ayay madaafiicdu ku haleeshay inta u dhaxeysa Xaafada “Nation-ka”  illaa sarta loo yaqaano “Maalin Taajir” wadada koowaad ee suuqa Bakaaraha kuwaas oo isugu jiray dad garab rarato ah, dad guryahoodii ku sugnaa iyo dad socod ku marayay wadooyinka.

GANACSADE REER BELEDWAYNE AH OO LA QAFAASHEY!

Beledwayne Soomaaliya: Duhurnimadii maanta ayaa xabsiga loo Taxaabiy Ganacsade lagu magacaabo “Muxumad Maxamuud Yuusuf (Shiine) oo ah Milkiilaha Shirkada labaad ee ugu wayn Shirkadaha korontada siiya Baladweyne oo lagu magacaabo “Midnimo” xili uu ku sugnaa goobtiisa shaqo. 

Ganacsadahan ayaa la sheegayaa in ay xabsiga u taxaabeen ciidamo uu hor kacayo ninka sheegta in uu duqa Magaalada Baladweyne yahay ee lagu magacaabo “Aadan Garaaso”.

HABKA QABIILKA MA LAGU WADA-NOOLAAN KARAA ? Qaybtii 1aad.

B A R I  H O R E:

Inka badan 95% Soomaali waxay ahaan jireen Xoollo dhaqato reer guuraa ah, Beel kastana waxay laheyd odoyaal ama hogaamiye  sida Garaad, Iimaan, Wabar, Malaaq, Ugaas, Nabadoon, IWM. xiligaas oo ahaa mid ka duwan casrigaan waxay beelaha Soomaaliyeed lahaayeen XEER SOOMAALI ay ku wada macaamali ama noolaayeen, Xeer Soomaaliga ma aheyn mid dhameystiran laakiin waa lagu kala gar bixi jiray oo haddii masiibo ama dil yimaado waxaa lagu gaari jiray xal.

Xeer-Soomaaliga waxaa yaqiinay oo loo taba-bari jiray Odoyaasha ama Nabad-doonada beel kasta oo markii uu qilaaf yimaado loogu yeeri jiray si ay u furdaamiyaan qilaafkaas, qilaafka oo isugu jiray qof la dilay, Xoollo la kala dhacey , Guurka iyo arimaha hoose ee Xoollo dhaqatadu isku qabtaan sida ceelka biyaha , dhulka daaqsinta ah marka roobku xumaado, Waxaa inta badan lagu kala garqaadan jiray GEED hoostiis.