QORSHAHA CADOWGA:Qaybi oo xukun !

QAYBTA I: Waqtigii uu Gumeystuh  yimid Dalkeena ilaa hadda maxaa u qabsoomay cadowga Soomaaliyeed ?

qorshaha-cadowga-soomaaliyeed2Qarnigii 18aad waxaa ciida  Soomaaliyeed markii ugu horeysay duulaan qaawan  ku yimid gumeystayaal reer yurub ah oo dhamaantood ahaa gaallo isbaheysi diineed iyo mid dhaqaalaba uu ka dhexeeyay. Gumeystayaashaas waxaa ka mid ahaa Ingiriiska oo Waqooyiga Soomaaliya, Gobolka Soomaali Galbeed  iyo NFD  boobay, Talyaaniga oo Bariga iyo Koonfurta boobay iyo waliba Faransiiska oo isna boobay Jabuuti. 

Gumeystayaasha duulaan ku yimid ka sokow waxaa kaloo meesha soo galey markii dambe Dowlado Afrikaan ah oo markaa cagansaar la yeeshay gumeysiga reer Yurub, Dalka Xabashida (Eithiopa) iyo Dalka Kenya ayaa labaduba kala qayb galay boobkii Ummadda Soomaaliyeed loo gaystey dhulkooda iyo Dadkoodaba.

Taariikhdii hore ee gumeysiga halkan laguma soo koobi karo laakiin waxaa xusid mudan in ay jiraan Dad u soo halgamay xoriyada iyo madaxbanaanida inta ka hartey Dhul waynihii Soomaaliyeed ee uu gumeystuhu kala qayb-qaybiyay. Wagooyiga Soomaaliya waxaa ka soo baxay Xornimo doon loo yaqiinay Darawiishta oo uu hor kacaayey Al-sheikh Muxamed C/dulle Xasan oo waliba rag kale oo qiimo badan ku leh mujtamaca Soomaaliyeed, Koonfurta Soomaaliya iyada waxaa ka jiray dhaqdhaqaaqyo gumeysi diid ahaa oo laga xusi karo SYL iyo kuwo kale sida raggii gumeysiga Talyaaniga dagaalka kula galey Lafoole oo iyaguna leh xasuus gaar ah. Sidoo kale Gobolka Soomaalida Galbeed ilaa iyo hadda waxaa ka jira gobanimo doon aan la iloobi karin oo ay Mujtamaca Soomaaliyeed kula jiraan taliska xaaraanta ah ee Xabashida.

Halgan iyo dhibaato badan oo lagula kacey Ummadda Soomaaliyeed wuxuu gumeystaha u hirgalay in uu Dalkeenii kala qayb qaybiyo inta aan ka aheyn laba meelood oo ka badbaadey boobkii gumeystaha uu damacsanee. Gumeystuhu wuxuu Soomaali Galbeed u gacan galiyay Xabashida oo xulufo diineed ay ahaayeen, wuxuu kaloo NFD ama Gobolka Soomaalida ee ay Kenya haysato u gacan galiyay Kenyaati, Sidoo kale wuxuu Gumeystuhu Jabuuti ku qasbey inay Dal ka madax banaan Soomaaliya noqoto. Labadii gobol ee Soomaaliya u hartey Koonfurta iyo Waqooyiga ayuu gumeystuhu wali gacanta kula jiraa oo dantii uu lahaa ka wadaa. Halkee wax u marayaan cadowga ?

 Maanta Dalka Soomaaliya waxaa ka jira dhibaatooyin fara badan oo runtii aan hore loo arag  sida  dagaalo sokeeye, abaaro, barakac, isku kalsooni la’aan iyo waliba qalalaaso siyaasadeed/diineed. Waxaana taa ka sii daran in gumeystihii wali doonayo in uu Ummadda Soomaaliyeed intii isku hartey sii kale tuuro oo qabiil qabiil iyo Gobol Gobol iskugu dhufto. 

Gobolada qaar wayba qaateen qorshihii gumeystuhu nala rabey Goboladaas oo ay ka mid yihiin Puntland iyo Soomaaliland oo labaduba sheegta inay Maamulo u gaar ah leeyihiin. Runtii maaha in Shacabka Soomaaliyeed ee Goboladaas degenin jecel yihiin in ay Dalka intiisa kale iskaga go’aan ee laakiin waxaa Goboladaas ka taliyo Rag ama shaqsiyaad u adeega dannaha gumeysiga. Maamulada Goboladaas waxay dhaqaale iyo taakuleyn “(haba iska ahaato misd yar) joogta ka helaan gumeyshaha ama mid reer Galbeed ah ha ahaado ama mid u sii shaqeeya(Xabashida)  ha ahaado.

Waxaa jira Gobolo kale oo iyaguna la rabo inay qaataan nidaamka Soomaali diidka ah ee ka hirgalay Gobolada aan kor u soo sheegay inay qaataan si uu qorshihii gumeysigu u miro dhalo. Gobolada hadda lagu wado in la dhiso waxaa ka mid ah JUBBALAND, HAWIYELAND iyo waliba DIGIL/MIRIFLELAND waa arin soo ifbaxeysa ka mid markii ay Xabashadu Ciidankeedii kala baxdey Soomaaliya sannadkan bilowgiisii. Waxaa kaloo jira in Gumeysigu dhaqaale badan inuu ku bixiyo uu diyaar u yahay arintaan.

Gumeysigu wuxuu mar walba ka faa’iideystaa naceybka ay isku hayaan Qabaa’ilada Soomaaliyeed. Qabiilkastoow Dhulkaaga nabad ka dhigo ! ama qabiilkastaa inuu dhulkiisa ka taliyo ayuu xaq u leeyahay ! ayaa ka mid ah siyaasadda uu gumeysiga suuqa galiyay. Nasiib daro waxaa arintaa dhagta u dhigay ama rumeystay in badan oo ka mid ah Bulshada Soomaaliyeed, laakiin nasiib wanaag wali waxaa jira Wadaniyiin Soomaaliyeed oo arintaa ka war ahay oo mar walba beenta iyo Idaacada gumeystaha ka feejigoon.

6 thoughts on “QORSHAHA CADOWGA:Qaybi oo xukun !

  1. mohamed

    aniga raiyigeyga waxa ay ila tahay in aad wax isku labaysaan gumaysigu meelaha qeybtood ha labo laakiin sida puntland waa maamul goboleed mana doonayaaan in ay gooni goosad noqdaan marka haday somaliya dhulkeeda kale dagaal ka jiro ma ahaan in gobolada kale iyaga oo nabad heli kara dhowraan xaasumadii oo holceysa. haday caasumadu holceeyso ma ahan in ka war sugaan gobolada kale waa in ay samaystaan maamul goboleedyo . bye

  2. Shariif Jabarti

    waad madahsantahay Mohamed sida run aad u abaartay kuwi burburiyey somalia siiba caasimada mugadisow hadana ku hadaaqadiyo in haddii ay u geysan lahaayeen burburin kowii is hagaagiyey sida maamuulka Puntland iyo Somaliland. Anigu waxaan arrintaasi u arkaa xaasidno.

  3. oday

    adeer waxaad uga dan leedahay in aad kumuujiso map aad naga dhaadhicinayso oo ah puntland oo hinaase kaw kaga siiyey somali hanoogu dhuuman sawirbeen adoo huwan

  4. omar

    hadalkaba dhamaan wuxuu ku afjaranyahay ma jiraa dareenka uu ninkaan walaaalkeen ahi noo soo tabiyey, mise weli weeynu hurudnaa oo inbadan oo inaga midihi wexeey ku lumeen wax noqosho kali ahaaneed oon meelna lagu gaareeyn. anigu shaqsiyan majecli doodaha soomalaida ee hadana lagu sii magacaabaayo dadyoow iyaguba garaadkuudu intaa gaarsiiyey ha noqdeen cideey doonaan ama gobalkeeydoonaan. ugu
    danbeeyn waxaan u mahadcelinayaa walaalkeen. kuna la dardaarmayaa dhamaan uamada soomaaliyeed in eey aayahooda ka warqabaan. sababtoo ah waxaa horay loo yiri lama huraan waa cowska jiilaal..mahadsanidiin..

  5. ali gaid

    Marka hore waan idiin salaamay dhammaan inta webkan ku howlan iyo kuwa la xiriiraba. ka dib waxeey aniga ila tahay in wax alaale wixii dhib ah anakaa isku keeni karna anakaana horumar isgaarsiin karna.
    sidheen shib isugu keenii karnaaa ?
    dhibka tan ugu horeeysoo uuw ku imaan karo waa wadani nimadiidooyoo noqotay tijaatat ileeyn soomaaliya waan ku dhashay waana kusoo barbaaray waana ku noolaa ayadoo nabad ah oo soomaaliya iyo soomaali walba oo eey qiimo lahaayeen owoowyaasheena waxeey ku dadaaleen sidaan ugu noolaan laheeyn nawad iyo barwaaqo waana aragnay ka taas ka dib waxaan ku fikirnay sidaan taas ku lumin laheeyn waana luntay anankoon fileeyn ineey tahay dhamaatkii qiimaha dalka iyo shacabkaba oo xittaa la gaaray in lawaayo amaan uuw qofka maskiinka ah aan shaqo ku laheeyn siyaasad iyo wixii soo raacaba. waatan aan baanjoogto noqonay muddo 22 sano siina socota iskaba daa qatan iyo wadani nimo waxaa la xasuuqayaa dal iyo duunyo iyo dugaag marka cadawgii shalay laga ceeyriyay dalka asoo ka xun maatna wax uuw u arko ma jirto inuuw ku qarashgareeyo dhaqaalihiisa oo dhan asoo og inuuw ka helaayo inta uuw ku qaashgareeyo dadka u wada qaska iyo labta soomaaliya marka marka hore waa in lahelaaa wadani nimo loodhanyahay ka dib waxwalba weey isasoo raacidoonaan maslaxada shacabka iyo dalka waa ineey ka horeeysaaa ayi maslaxad kale bob marley ayaa wuxuu ku luqeeyay heesta afrıcan unie ( let it be done for penefit of the nation ) war hadaadan u arkin dantiiina u sameeya shacabkan kala daadsan oo lagu soo qaato caalamka oo dhan markii laga hadlaayo gaajo anoo huba soomaaliya ineey ka jirin kana dhici doonin abaar balse waa meel cabsi lag giliyay caalamka oo lala aaday meel banaan laguna sii hayyo meeshaas dadka ku hayana eey yihiin dad isku sheegaaya ineey yihiin soomaali waxaan ku dhaaran karaa ineeysan eheen soomaali qofka xalaasha ku dhasha dalkiisa dhexdiisa marna lagama yaabo inuuw siistu raqiis.
    Runtii soomaaliya hadafkii laga lahaa oo ugu muhimsanaa waa laga gaaray kaasoo ahaaa wadankan kuyaala geeska afrıka afrika oo eeyku jiraan masiixi soomaaliyana eey aheeyd 100% muslim hadda waxaa ku jira soomaali masiixi, khaniis waaka xumahay inaan ka hadlo tan balse waalagama maarmaan oo waa shib jira una baahan in loo helo dawo intuuwsan fidin inkastoo aan ku dheeraaday qoraalkeeyga waxaan jeclahay inaan kusoo koobo kilmad aan ku leeyahay dadka kabeecmushtaraaya wadanka ineey ogaadaan ineey u danbeeyndoonaan soomaaliya ayaka ama caruurtooda qurbaha malaga yaabo cadowga inoow ku siiyo dhalasho qeexan dheheeysa qofkaan waa aameerikaan ama biritish oo waxaa laguugu qoraayaa waa mareeykan asalkiisana waa soomaali ama biritish marka maadaama uuwsan dalka marnaba kaa hareeynin maxaa ug howlantahay log gooyadiisa. waana xiriiri doonaa

    magaceeygu waa : cali cabdalla gaaid
    Ku dhashay : degmada afgooye
    Sanadka : 1974
    tell No : 00905073613409, Turkey.

  6. ali gaid

    raali ıga ahaada qoraalkeeyga waxaa ku jira qaladyar yar aan ku talagal aheeyn sida meeshaan rabay inaan ka dhigo ra’ ayaa waxaa ku dhacday ta’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s